Бүгүн Бишкек шаарына «Air India» авиакомпаниясынын «Дели-Бишкек» рейси менен чартердик каттам учуп келген. Бул тууралуу Тышкы иштер министрлигинин басма сөз кызматы билдирет.

[news 24626]

Маалыматка ылайык, аталган каттам менен Индия тарабы менен жетишилген макулдашууга ылайык, Кыргызстандын 16 жараны учуп келген.

Азыркы учурда келген бардык жарандар белгиленген медициналык процедуралардан өтүү үчүн обсервацияга (байкоо жүргүзүүгө) белгиленген тартипте жайгаштырылды.

Чет мамлекеттерде жашап жаткан жана мекенине кайтып келүүнү каалаган КР жарандарынын кайтып келиши боюнча иштер улантылат.