Транспорт жана жол министрлигинин бюджети 8 млрд 339 млн сомду түздү. Бул тууралуу 2021-жылга карата республикалык бюджеттин долбоору боюнча коомдук бюджеттик угуулардын вебинарында белгилүү болду.

«Шаарларды өнүктүрүү» долбоорунун алкагында Кербен шаарына 204 млн сом бөлүнгөн

Транспорт министрлигинин өкүлдөрү билдиргендей, бюджеттин дээрлик 87% эл аралык маанидеги жолдорду оңдоп-түзөөгө – 7.3 млрд сом жумшалган. Ички жолдорго 600 млн сом жана кошумча 90 млн сом бөлүнгөн.

Бул коомдук угууларга катышуу үчүн Өкмөттүн өкүлдөрү, министрликтердин жана ведомстволордун, Эсептөө палатасынын, жарандык коом уюмдарынын, министрликтердин жана ведомстволордун коомдук кеңештери, эл аралык уюмдар, көз карандысыз эксперттер жана жалпыга маалымдоо каражаттарынын өкүлдөрү чакырылгандыгын белгилей кетүү керек.