Чакан жана орто бизнестин өкүлдөрү жана физикалык жактар мындан ары «Бай-Түшүм» банкы аркылуу түрк бизнес коомчулугу менен өз ара эсептешүүлөрдү ыңгайлуу тарифтер менен жүргүзө алат. Бул тууралуу банктын басма сөз кызматы билдирди.

Кыргызстандагы бизнестин өкүлдөрү Кытайдан өкмөттөн кем эмес карыз алган

UPT ODEME HIZMETLERI VE ELEKTRONIK PARA A.S. төлөм тутуму менен «Бай-Түшүм» банкы өз ара келишим түзүүгө даяр. 11-март күнү Кыргызстандагы түрк бизнес жана Түркия элчилигинин өкүлдөрү менен расмий түрдө келишимге кол коюлат.

«Бул төлөм тутуму кыргыз рыногуна киргенде, ата мекендик бизнес жана физикалык жактар Түркиянын шаарларына каражат жөнөтө алышат. Атайын эсеп ачуунун кереги жок, өлкө боюнча дээрлик 10 миң пункт түзүлөт. Бул ишкерлердин өз ара эсептешүү мүмкүнчүлүктөрүн жөнөкөйлөтөт жана жакындардан каражатты оңой жана ылдам ала алышат», — деп белгилешти банктан.

«Бай-Түшүм» автоунаа алууга күрөөсүз насыя берет

Кошумчалай кетсек, акча которуулар түз жүргүзүлөт, убакытты үнөмдөйт, коопсуздугун күчөтөт жана лоялдуу комиссиянын жардамы менен аны кыйла пайдалуу кыла алат.