Кыргызстан 2021-жылы мамлекеттик карызды төлөө үчүн бюджеттин чыгашасынын көлөмүн көбөйтөт. 2021-жылдагы бекитилген бюджетке ылайык, мамкарызга 35.3 млрд сом жумшалат. Бул 2020-жылга салыштырмалуу 2.5 млрд сомго көп.

Жогорку Кеңештин кызматкерлерине эмгек акы ушу жума күнү берилет

Финансы министринин эксперти Сабыр Байдалиевдин айтымына караганда, бул чечим валюта рыногундагы курстун өзгөрүшү менен байланыштуу.

«Бизде бюджет улуттук валютада бекитилет. Тышкы карыздарды тейлөө ар турдүү валюта менен жүргүзүлөт», — деп түшүндүрдү ал.

Андан сырткары, пандемия маалында Кыргызстандын кирешеси кыйла төмөндөп кеткен. Буга байланыштуу өкмөт донорлорго кайрылууга аргасыз болгон.

«Бюджеттеги тартыштыктарды жоюу максатында, Кыргызстан кошумча насыяларды алган. Жалпысынан 330 млн $ алынды. Бул карыздардын пайыздарын төлөй баштайбыз. Ал эми жеңилдетилген шарт менен баштапкы сумма кана каралган. Ошол себептен келишим түзүлгөн биринчи күндөн баштап пайыздарды төлөй баштайбыз», - деди Байдалиев.

Эксперт кошумчалап кеткендей, карыздарды тейлөөгө бөлүнгөн сумманын көлөмү жыл сайын өсүп турат. Себеби, тышкы карыздардын баштапкы суммасын төлөө мөөнөтү жакындап келе жатат.