Үстүбүздөгү жылдын январында салык органдарында 8 миң 139 жаңы салык төлөөчү катталды. Бул тууралуу Мамлекеттик салык кызматынын басма сөз кызматынан билдиришти.

Салык төлөөчүлөрдүн ичинен 1 миң 464 юридикалык жак, 6 миң 675 жеке ишкер.

“2022-жылдын 1-февралына карата 710 миң 412 салык төлөөчү салыктык эсепке алынган. Алардын ичинен 133 миң 544 юридикалык жак, 334 миң 914 жеке ишкер, 241 миң 954 дыйкан жана фермердик чарба”,- деп айтылат билдирүдө.

Эскерте кетсек, мамлекеттик жана муниципалдык кызматкерлер салык декларациясын 1-апрелге чейин тапшырууга милдеттүү. Алардан тышкары жеке ишкерлер, анын ичинде патенттик негизде салык төлөгөндөр, салык салынуучу кыймылдуу (транспорт) жана кыймылсыз (батир жана үй) мүлктүн, жер участоктун (короо-жай участкаларынан башка) менчик ээлери, ошондой эле юридикалык жакты түзбөй туруп иш жүргүзгөн дыйкан жана фермердик чарбалар 1-апрелге чейин тапшырууга милдеттүү