Ош облусунун Өзгөн районунун Кароол айылында үй-бүлөлүк дарыгерлер борбору пайдаланууга берилди. Бул тууралуу “Акчабарга” президенттин Ош облусундагы ыйгарым укуктуу өкүлчүлүгүнөн билдиришти.

Жаңы имарат заманбап медициналык жабдыктар менен камсыздалган. Жалпы сметалык баасы 1,5 млн сомду түзүп, курулуш кайрымдуулук фонд тарабынан каржыланган.

6100 калкы бар Өзгөн районунун Кароол айылынын жашоочулары 1970-жылы чабандарга үй үчүн курулган имаратты ушул күнгө чейин ФАП катары пайдаланып келишкен.