2020-жылдын январь-декабрь айларында республикалык бюджеттин кирешеси 89.8 млрд сомду түздү. Муну менен катар чыгашанын көлөмү 105 млрд сомго жеткен. Бул тууралуу өлкөнүн финансы министрлиги билдирди.
Ведомствонун берген маалыматына ылайык, бюджеттин жетишсиздигин жабуу үчүн 22.7 млрд сом жумшалган. Бирок, анын 2.7 млрд сом - ички булактар тарабынан каржыланган.
Отчеттук мезгил учурундагы эң ири чыгаша - мамлекеттик кызматкерлердин эмгек акысы - 35.8 млрд сомду түзгөн. Мамлекеттик башкаруу секторундагы грант жана карыздарга 24.9 млрд сом жумшалган.
Социалдык төлөмдөрдү төлөөгө 7.2 млрд сом бөлүнгөн.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
