3- 7-июнга чейин байкоого алынган мезгил аралыгында баалуу кагаздардын активдүүлүгү  азайды. Ага карабай, баалуу кагаздардын сатылышы  11% өскөн. Бул тууралуу «Сенти» финансы порталы билдирет.

Апта ичинде  60  соода жасалып, анда 12 эмитент-компаниянын баалуу кагаздары сатыкка коюлган. Сооданын  жалпы көлөмү 6.53 млн сомго жеткен. Облигациялар секторундагы акциялардын сатылыш  15 эсе жогору болду.

Акциялар сектору

Өткөн аптага салыштырмалуу бул байкоого алынган жумадагы акциялардын сатылышы төмөн болуп, биржадагы жалпы сатуунун көлөмү  5.97% түздү. Баардыгы болуп 12 сатуу жана сатып алуу катталып, ага жети команиянын балуу кагаздары чыгарылды. Эң ири сатуу «Кыргызнефтегаз» ААК коомунун акциялары менен жүрдү. 

Кыргыз фондулук биржасы билдиргендей  «Кыргызнефтегаздын» 2 миң 682 акциясы жалпы суммасы 131 миң 418 сомго сатылган. Эскерте кетели, бул ишканаынн акциялары  ушуну менен экинчи ирээт ири көлөмдө сатылууда. 

Облигациялар сектору

Облигациялар сектору адаттагыдай активдүү. Негизги суроо талап узак мөөнөттөгү көп кирешелүү облигациялар өтүмдүү болууда. Анда «Первая Металлобаза» ЖЧК,  «Ихсан Орикс» ЖЧК менен  «Салым Финанс» МФУ,  «Миң Түркүн» соода түйүнү  менен «МИК» облигациялары сатылды. Өткөн аптага салыштырганда облигациялар секторунда , көлөм көбөйүп, баалуу кагаздар 94.03%  өскөн. Анда  48 сатуу жана сатып алуу операциялары беш компаниянын  баалуу  кагаздары арасында жүрдү.  

Мамлекеттик балуу кагаздар рыногу

2019-жылы 4- июндагы аукциондун жыйынтыгы боюнча төмөндөгү сатуулар катталды;

• Улуттук банктын 7-күндүк нотасы 2.3 млрд сомго орточо кирешеси 3.68% менен;
• Улуттук банктын 28- күндүк нотасы  500 млн сомго орточо кирешеси  4.2% менен;
• Улуттук банктын  91- күндүк нотасы  150 млн сомго орточо кирешеси 4.25% менен сатылган.

Кредиттик аукцион суроо талап жок болгондуктан болгон жок.  Мамлекеттик баалуу кагаздар (ГКВ менен ГКО)  да сатып алуучулар жок болгондуктан,  аукцион болбой калды. 

Коммерциялык банктардагы узак мөөнөттөгү депозиттердин абалы  8-13% калууда.