Мамлекеттик салык кызматынын Чүй облусунун Ысык-Ата районунун Башкаруу секторунун орун басары «К.Н» жана анын кызы «А.Н.» козголгон кылмыш иш Ысык-Ата райондук сотуна жөнөтүлдү. Бул тууралуу Tazabek  Экономикалык кылмыштуулукка каршы күрөшүү боюнча мамлекеттик кызматынын басма сөзүнө таянып, жазып чыкты. 

Көрсөтүлгөн айыптоолор боюнча маалыматтар такталып жатат  деп билдиришти Каржы полициясынан. 

Буга чейин маалым болгондой, 19-июлда Каржы полициясына жеке ишкер «Дж.Н.» тарабынан арыз келип түшкөн. Арызда Башкаруу секторунун орун басары кызмат абалынан кыянатчылык менен пайдаланып, көп убакыттан бери 200 миң сомго чейин акча талап кылып келгени жазылган. 

Аны менен катар жабырлануучунун айтымында, акча берүүдөн баш тарткан учурда, органдар тарабынан ар түрдүү негизсиз текшерүүлөрдү жүргүзөм деген коркутууларды айтып келген. 

Жыйынтыгында, Каржы полициясы 20-июлда «К.Н» жана «А.Н.» аттуу жаранды 1800 доллар акча каражатын алып жаткан (паракор) жеринен кармаган.