ААК «Эл аралык «Манас» аэропорту 9-сентябрь Комуз күнүн белгиледи. 

Комуз күнү белгилүү сүрөтчү жана аэропорттун талантуу кызматкерлери тарабынан музыкалык-куттуктоолор айтылды.  

Иш-чараны "Манас" эл аралык аба майданынын башкармасынын орун басары - инфраструктуралык өнүгүү дирекциясынын башчысы Абдималик Бусурманкулов куттуктоо сөзү менен ачып берди. 

Майрамдын көркүн ачып турган, аэровокзалда тигилген боз үйдүн ички жасалгалары  болду. 

Жергиликтүү рейсти күтүү залында музыкалык концерт, жургүнчүлөр менен катышкан  ар түрдүү оюн-зооктор өткөрүлдү. Албетте комуз үнү жаңырып турду. 

Жүргүнчүлөр сыртта карап турбастан, ар бир оюнга активдүү катышып, аэропорттон көнүлдүү тарашты. 

Андан сырткары, Комуз күнү ААК “«Эл аралык «Манас» аэропортунун» - Оштогу жана Ысык-Көлдөгү филиалдарында дагы белгиленди.

Эске сала кетсек,Мамлекет башчы Сооронбай Жээнбеков быйыл июлда кол койгон жарлыкка ылайык, "9-сентябрь - Кыргызстанда Комуз күнү" - деп белгиленген.