Айбалаева Айнура КР Улуттук банкынын башкармасынын мүчөсү кызматына дайындалды

13.01.2020, 17:45 Акчабар
Айбалаева Айнура КР Улуттук банкынын башкармасынын мүчөсү кызматына дайындалды

Айбалаева Айнура Маматовна Кыргыз Республикасынын Улуттук банкынын башкармасынын мүчөсү кызматына дайындалды. Бул тууралуу КР президентинин басма сөз кызматы маалымдады. 

Айбалаева Айнура Маматовна, М. В. Ломоносов атындагы Москва мамлекеттик университетинин философия факультетин 1993-жылы аяктаган. 1998-жылы 2 жылдык окуудан кийин Франция Премьер-министринин алдындагы Улуттук башкаруу мектебин аяктап, мамлекеттик башкаруу магистри дипломуна ээ болгон.

Кыргыз Республикасынын Улуттук банкында 1998-жылдын октябрь айынан тартып, эмгектене баштаган. Улуттук банкта иштеген жылдары ар кандай кызмат орундарын: валюталык башкаруунун тышкы байланыштары бөлүмүнүн башчысы, тышкы жана коомдук байланыштар бөлүмүнүн башчысы жана персонал менен иш алып баруу башкармалыгынын башчысы кызматтарын жетектеген. 2009-жылдан тартып, 2012-жылдар аралыгында Азия өнүктүрүү банкынын Аткаруучу директорунун кеңешчиси катары (Манила шаары, Филипинны), 2012-жылдан тартып 2015-жылдын январь айына чейин Кыргыз-Швейцариялык банкынын Директорлор кеңешинин мүчөсү болуп эмгектенген.

Президент Сооронбай Жээнбеков кол койгон буйрукка ылайык, кызматтык ыйгарым укугунун мөөнөтү аяктаганына байланыштуу (7 жыл) «Кыргыз Республикасынын Улуттук банкы, банктар жана банк иштери жөнүндө» Кыргыз Республикасынын Мыйзамынын 65-беренесине ылайык, Джусупов Тимур Джолчуевич Кыргыз Республикасынын Улуттук банкынын башкармасынын мүчөсү кызматынан бошотулду.
 

Тэги: Нацбанк КР член правления Нацбанка

Еженедельные дайджесты Акчабар

Каждую неделю мы будем готовить для вас обзор наиболее важных и интересных событий

Акчабар iPhone үчүн

  • Курсы валют в Бишкеке
  • Жаңылыктар жана аналитика
  • Банкоматтардын картасы
Жабуу

Акчабар Android үчүн

  • Курсы валют в Бишкеке
  • Жаңылыктар жана аналитика
  • Банкоматтар менен кассалардын картасы
Жабуу