Өткөн аптада экинчилик рынок алсыз динамиканы көрсөтүп, компаниянын акциялары жана облигациялары менен болгон бүтүмдөрдүн көлөмү азайып, сооданын жалпы көлөмү болгону 1,1 миллион сомду түздү, деп жазды Kыргыз фондулук биржасы.

Стратегиялык компаниялардын акциялары менен, анын ичинде "Манас" эл аралык аэропорту" компаниясынын (300 миң сом) жана "Кыргызстан улуттук электр тармактары" ишканасынын акциялары менен үч бүтүм жүргүзүлүп, эки баалуу кагаз тең өсүштү көрсөттү. "Манас" аэропортунун акцияларынын баасы 400 сомго (+40 сом), "Кыргызстан улуттук электр тармактарынын" акциялары 0,68 сомго чейин (+0,18 сом) чейин өстү.

Көлөмү боюнча "Айгүл" ААКнын 300 миң сом өлчөмүндөгү жөнөкөй акциялары менен бүтүмдөрдү жана "Кредиттик союздардын Финансылык компаниясы" ААКнын 300 миң сом өлчөмүндөгү жөнөкөй акциялары менен бүтүмдөрдү бөлүп көрсөтсө болот, акыркысы 0,89 сомго чейин төмөндөгөн (-0,05 сом).

Аз суммалар менен бүтүмдөр "Автомонтаждоочу завод" ААК, "Дос-Кредобанк" ААК, "Каракол КПД Проектсрой" ААК жана "Бишкеккурулуш" ААКнын акциялары менен катталган.