Кыргызстандын Улуттук банкынын активдери июнь айынын аягында 318 миллиард 150,4 миллион сомго бааланды. Бул маалымат регулятордун өзүнөн белгилүү болду.

Өткөн жылдын ушул күнүнө салыштырмалуу актив 272 миллиард 703,5 миллион сомдон 16,66%га көбөйдү.

Активдердин өсүшү негизинен Улуттук банктын баалуу металлдар: алтын жана монетардык эмес алтын боюнча камдарынын көбөйүшү менен камсыз болду.

Көрүнүп тургандай, Кыргыз Республикасынын Улуттук банкынын монетардык эмес алтын түрүндөгү активдери жана алтындагы камдары бир жыл ичинде дээрлик 5 эсеге, 18,6 миллиард сомдон 91,4 миллиард сомго чейин өскөн.