Монополияга каршы жөнгө салуу кызматынын кызматкерлери Бишкектеги “Азиз” кичи базарында ундун жана социалдык маанидеги товарлардын баасына мониторинг жүргүзүштү. 

Белгиленгендей, иш-чара социалдык маанидеги товарлардын жана ундун кымбатташына жол бербөө, сатуучулар арасында түшүндүрүү иштерин жүргүзүү максатында өткөрүлдү.

Бул мониторингдин жүрүшүндө кызматкерлер ундун баасы туруктуу экенин аныкташты.

"Бардык соода түйүндөрүндө ун жетиштүү. Дистрибьюторлордун айтымында, ун тартыштыгы күтүлбөйт", - деп айтылат маалыматта.