Былтыр аймактардагы бизнести өнүктүрүүгө 2 млрд сомдон ашык кепилдиктер бөлүнгөн. Бул тууралуу Кепилдик фондунун басма сөз кызматы билдирди. 

Жалпысынан 2023-жылы ишкерлер өнөктөш банктардын кепилдиги менен 8 млрд 26 млн сом насыя алышкан. 2023-жылы өлкөдө 4 миң 736 ишкер Кепилдик фондунун кызматынан пайдаланган. Ишкердик субъекттерине 2 млрд 821 млн сом өлчөмүндө кепилдик колдоо көрсөтүлдү. 

Берилген кепилдиктердин жалпы санынын 90%ы өлкөнүн аймактарында дээрлик 2,1 млрд сом суммасында ишкердикти өнүктүрүүгө багытталган.