Былтыр 2022-жылы Кыргызстан Кореяга 1 млн 59,4 миң долларлык товар жеткирсе, Кореядан импорттолгон товардын көлөмү 156 млн 538,3 миң долларды түзгөн. Бул тууралуу Улуттук статистикалык комитеттин материалдарында айтылат.

Мындан улам, былтыркы жылы Кыргызстан менен Түштүк Кореянын тышкы соода жүгүртүүсү 157 миллион 597,7 миң долларды түзгөн. 

Эске салсак, 2021-жылы эки өлкө менен тышкы соода жүгүртүүнүн көлөмү 55 миллион 338,5 миң долларды түзгөн. Бир жылда эки өлкөнүн ортосундагы соода жүгүртүүнүн көлөмү 2,8 эсе өскөн.