Жогорку Кеңештин депутаты Алиярбек Абжалиев мамлекетке 20 млн сом кайтарды. Бул тууралуу Reporter.kg УКМКнын маалымат кызматына таянып жазды.

Бул иш боюнча жалпы чыгым болжол менен 50 миллион сомду түзөт, калган 30 миллион сом жакынкы аралыкта алынышы керек.

Абжалиев издөөдө жүргөн адамдардын тизмесинде жок болгондуктан, ал кармалган эмес. 

Эске салсак, УКМКнын Коррупцияга каршы кызматы Абжалиев мамлекеттик кызматтарда иштеп жатып, өзүнүн расмий кирешеси менен салыштырууга болбой турган мүлктүк активдер, атап айтканда, 20дан ашык элиталык батирлер, Бишкек шаарынын VIP шаарчаларындагы турак үйлөр, Ысык-Көлдөгү пансионат, Көл жана Чүй облустарынын аймагында жер тилкелер, ошондой эле Түркиядагы жана БАЭдеги кыймылсыз мүлктөргө ээлик кылаарын билдирген.