1-апрелге чейин жеке адамдар үчүн товарларды алымсыз ташып келүүнүн босогосу 1 миң евро жана товарлар үчүн 31 кг түзөт. Бул тууралуу Евразиялык экономикалык комиссиянын маалымат кызматы билдирди. 

Эгерде товарлардын наркы ушул суммадан ашып кетсе, же анын салмагы 31 кг ашык болсо, анда ал үчүн төмөнкүдөй өлчөмдө алым төлөнүшү керек болот:

• ташуучу же почта жөнөтүүлөрү менен ташылган товарлар үчүн - наркынан 15%, бирок ченемден ашкан бөлүгүндө 2 кг үчүн 1 евродон кем эмес;
• багаж менен ташылып келинген товарлар үчүн, - наркынан 30%, бирок 4 кг үчүн 1 евродон кем эмес.

Эске салсак, босого 2022-жылы чет элдик интернет-дүкөндөрдөн жеке пайдалануу үчүн товарларды буйрутма кылган жарандарды колдоо максатында убактылуу негизде көтөрүлгөн. Март айында анын мөөнөтү үстүбүздөгү жылдын 1-октябрына чейин узартылган. Буга чейин босого ташуучу тарабынан же почталык жөнөтүүлөр аркылуу ташылган товарлар үчүн 200 еврону жана жүк менен абадан башка транспорттун бардык түрлөрү менен же жөө ташылып келген товарлар үчүн 500 еврону түзгөн.