«Электр станциялар» ААК  буга чейин чуу жараткан тендеринен баш тарты. 22-июлда Мамлекеттик сатып алуулар порталына бул арыз жайгаштырылып, анда бассейин менен тренажердук залга электриктер 356 160 миң сомду коротууну болжоп турушкан. Бирок, социалдык түйүн жана ЖМК аркылуу нааразычылык айтылган соң, бул мамлекеттик сатып алуулардан алынып салынып, бүгүн акционердик коом андан баш тартканын  расмий сайтында жарыялашты. 

Электриктер элдин эсебинен бассейинде сүзүп, тренажердо машыгабы?

«Бассейн жана тренажердук залга берилген арыз  техникалык жана квалификациялык талаптардан улам алынып салынды.  «Электр станциялар» ААК жетекчилиги бул маселени тыкыр изилдеп,  катаны кетирген кызматкерди жоопко тартуу каралууда», - деп жазылган маалыматта.