Ага Хан Фонду жана АКШнын Эл аралык Өнүктүрүү Агенттиги (USAID) Кыргызстандын Ош, Жалал-Абад жана Баткен аймактарындагы коронавирус пандемиясы учурунда үй-бүлөлөрдү колдоо үчүн тогуз миллион сомдон ашык каражат бөлдү. Бул тууралуу республикалык штабдан билдиришти.

Ага Хан жана USAID бул сумманын бир бөлүгүн 3000 муктаж үй-бүлөгө азык-түлүк топтомун сатып алууга жумшады. Дыйкандардын жашоосун камсыз кылуу жана өлкөнүн азык-түлүк коопсуздугун камсыз кылуу үчүн буудай, пияз жана сарымсактын үрөнү 4,5 млн сомго сатылып алынып, 2374 үй-бүлөгө бөлүнүп берилди. 

“Так жана өз убагында көрсөтүлгөн жардам үй-бүлөлөргө жана фермерлерге Кыргызстандын ушундай оор мезгилинде азык-түлүк коопсуздугун камсыз кылууга мүмкүндүк берди. Бул милдеттерди каржылоо жергиликтүү өнүгүү биргелешкен долбоорунун алкагында жүргүзүлөт, ал экономикалык өсүштү камсыздоо, инфраструктураны жакшыртуу, жарандардын жана жергиликтүү институттардын мүмкүнчүлүктөрүн кеңейтүү, плюрализмди жана коомдук биримдикти колдоо боюнча инновациялык чечимдерди издөөгө жана жүзөгө ашырууга багытталган", - деп айтылат билдирүүдө.