Google компаниясы Борбор Азия оюндарынын көргөзмөсүнө катышат. Бул тууралуу маалымат Жогорку технологиялар паркынын сайтында бар.

Google компаниясынын жетекчилигинин өкүлдөрү Кыргызстанга биринчи жолу келет. Кеп Owlchemy Labs виртуалдык реалдуулук студиясынын башкы инженери Жаррид Хантли жана Google компаниясынын Борбордук жана Чыгыш Европадагы мобилдик оюндар боюнча жетектөөчү адиси Мариуш Гасевски жөнүндө болуп жатат.

Коноктор Жогорку технологиялар паркынын резиденттери тарабынан уюштурулуп жаткан Central Asia Games Show иш-чарасында спикер катары чыгышат. Конференция жана көргөзмө ушул жылдын 6-7-июлунда өтөт.