Геология жана жер казынасын пайдалануу мамлекеттик агенттиги мунай жана газ кендерин сатыкка чыгарды. Бул тууралуу ведомствонун сайтында маалымдалды.

2022-жылдын 21-январындагы аукционго Жалал-Абад облусунун Ноокен районундагы эки кен – "Чыгыш Майлы-Суу IV" жана "Севералаш" коюлат.

"Чыгыш Майлы-Суу IV" ишканасынын баштапкы баасы 635 доллар, "Севералаш" 1 миң 315 доллар деп белгиленип, аукцион Жалал-Абад облусунун Ноокен райондук мамлекеттик администрациясынын имаратында Массы айылында өткөрүлөт.