Демократиялык комиссиянын кичи гранттар программасынын каржылык колдоосу менен “Доор Медиа” коомдук фонду Жалал-Абад облустук айылдык консультациялык кызматы менен биргеликте “Чакан бизнес үчүн электрондук коммерция көндүмдөрүн өнүктүрүү” долбоорун ишке ашырууда. Бул тууралуу АКШнын Кыргызстандагы элчилиги билдирди. 

Долбоордун алкагында уникалдуу санариптик окутуу платформасы түзүлөт, анда кыргыз тилиндеги онлайн соода-сатык боюнча сабактар акысыз болот. 

Ресурс элет жеринен келген ишкер айымдарга каалаган убакта бизнесин өнүктүрүү үчүн билимин жана көндүмдөрүн жогорулатууга жардам берет.