Каржы министрлиги “Кыргыз Республикасынын 2023-жылга республикалык бюджети жана 2024–2025-жылдарга пландык мезгили жөнүндө” мыйзам долбоорун иштеп чыкты. 

Ага ылайык, министрлик келерки жылы бюджеттин тартыштыгынын кыскарышын болжолдоодо. Алсак, алгач быйылкы жылдын бекитилген бюджетинде чыгашалар кирешеден 21 млрд 263,2 млн сомго ашат деп айтылса, такталгандан кийин бул сумма 12 млрд 54,7 млн сомго чейин кыскарган. 

Дефициттин кыскарышы бюджеттин кирешесинин көбөйүшүнө байланыштуу. Тактап айтканда, салыктык эмес кирешелерди, Социалдык фонддун жана Милдеттүү медициналык фонддун кирешелерин, ошондой эле финансылык эмес активдер менен операциялардан түшкөн кирешелерди дээрлик эки эсеге көбөйтүү жолу менен ишке ашары болжолдонуп жатат.