Мамлекеттик каттоо кызматы Бишкек шаарынын мэриясына 15 күндүзгү стационарлардагы кезектектик агымдарды иретке келтирүүнү уюштуруу үчүн керектелген баардык керектүү жабдыктарды өткөрдү. Бул тууралуу бүгүнкү брифингде Мамлекеттик каттоо кызматынын төрагасынын орун басары Тилек Жеембаев билдирди.

Мамкаттоо Калкты тейлөө борборлоруна Earlyone аркылуу онлайн-каттоону киргизди

Мамлекеттик каттоо кызматына караштуу «Инфаком» мамлекеттик ишканасы тарабынан иштелип чыккан электрондук кезек системасы офлайн режимде иш алып барууга ылайыкташкан (анткени күндүзгү стационарлардын баардыгында эле интернет бар эмес) жана кезектин эки категориясын камтыйт – кеңеш алууга жана дары тамчылатуу процедурасын алууга.

Жеембаевдин айтымында, жарандарга талондор берилет. Медицина кызматкерлери жарандарды кезек менен чакыра алышат, бейтаптын кезеги ТВ-мониторлор аркылуу көрүнүп турат.