Жыл башынан бери Улуттук банктын насыя аукционунда коммерциялык банктар үчүн 35 млрд сом сунушталган. Бул тууралуу Улуттук банктын жетекчиси өкмөт үйүндө өткөн брифингде билдирди. 

Улуттук банк: 28 күндүк ноталардын кирешеси 0.02% төмөндөгөн

Муну менен катар банктар аукциондон болгону 3.5 млрд сом алышкан. 

«Улуттук банк экономиканын реалдуу секторун колдоо үчүн насыя аукциондорун, пандемияга байланыштуу абалды турукташтыруу үчүн дагы активдүү өткөрүп турду », — деп түшүндүрдү Толкунбек Абдыгулов. 

Кредиттик аукциондор региондордун өнүгүшүн колдоо жана «Айыл чарбасын каржылоо» жана «Ишкердик субъекттерди каржылоо» мамлекеттик программаларын ишке ашыруу максатында өткөрүлөрүн кошумчалады.