"Кыргызиндустриянын" президенти Жарасул Абдраимов Италиянын бизнес делегациясы менен жолугушту.

Делегациянын курамына италиялык Catiello & Partners, All Rent Service, Matter Economy, Airmec, Trivellazioni Italia, Deltagizero, Infing Industria & Ambiente жана башка компаниялардын өкүлдөрү кирди.

Маалыматка ылайык, Кыргызстан менен Италия пластикти кайра иштетип, электр энергиясына айлантат.

Тараптар Евробиримдиктин өлкөлөрүнө продукция экспорттоо үчүн Евросоюздун стандарттары боюнча кургатылган жемиштерди кайра иштетүү, электр энергиясын өндүрүү үчүн пластикалык буюмдарды кайра иштетүү долбоорлорун биргелешип ишке ашыруу боюнча алдын ала макулдашууга жетишти.

"Кыргыз Республикасы менен Италия өнөр жай ишканалары үчүн тазалоочу курулмаларды алуу, ошондой эле лицензия алуу жана имараттардын жана курулмалардын ишенимдүүлүгүн жана сейсмикалык туруктуулугун камсыз кылуу үчүн жабдууларды сатып алуу жагынан кызматташа алат", - деп белгилейт мамлекеттик компания.