Кыргызстанда кызамык боюнча эпидемиологиялык абал оорлошууда. Бул тууралуу Саламаттык сактоо министрлиги билдирди.

Маалыматка ылайык, Бишкекте эки менчик бала бакча жана мектептердин биринде кызамык ооруусу катталгандыктан убактылуу жабылып, тийиштүү аракет көрүлгөндөн кийин кайрадан ачылды.

Каракол шаарында да бир мамлекеттик мектеп илдеттин айынан убактылуу жабылган. Ал эми Жалал-Абад шаарындагы эки мамлекеттик мектепте окуу онлайн уланууда.

Белгиленгендей, бейтаптардын баары тийиштүү эмдөөдөн өткөн эмес.