Ушул жылдын март айында жеке жактар ​​Кыргызстандан башка өлкөлөргө 42,2 млн. доллар которгон. Бул тууралуу Улуттук банк билдирди. 

Акча которуулардын негизги бөлүгү, 36,6 млн доллар Россияга которулган. Бул жалпы акчанын 86,7%ын түзөт. Ондон бир бөлүгү (4,4 млн. доллар) Түркияга, калган 2,8%ы башка өлкөлөргө жөнөтүлгөн.

Былтыр март айына салыштырмалуу акча агымы 19,2%га өскөн. Былтыр Кыргызстандан тез которуу системасы аркылуу 35,4 млн. доллар жөнөтүлгөн.

Быйыл үч айда өлкөдөн акча которуулардын көлөмү 149,6 млн. долларды түздү, бул 2022-жылдын ушул мезгилине салыштырмалуу 1,4 эсеге көп.