Кыргызстанда 600 миңге жакын бала ысык тамак менен камсыздалды, аларды каржылоо республикалык бюджеттен жүргүзүлүүдө. Бул тууралуу билим берүү жана илим министри Догдуркул Кендирбаева Бишкекте өткөн КМШ өлкөлөрүнүн мектеп тамак-ашы боюнча форумунда билдирди. 

Анын айтымында, форум КМШ өлкөлөрүнүн мектеп тамак-аш программаларын натыйжалуу ишке ашыруу боюнча алдыңкы тажрыйбаларды алмашууга мүмкүнчүлүк түзгөн мыкты аянтча. 

“Улуттук мектеп тамак-аш программасынын негизги максаты – башталгыч класстардын окуучуларын пайдалуу ысык тамактар менен камсыз кылуу. Анткени мектеп тамак-ашы сапаттуу билим алууга өбөлгө түзүп, балдардын окууга болгон дымагын жана натыйжалуулугун жогорулатат ”,- деди министр.