Көмүр жүктөлгөн жүзгө жакын унаабыз Өзбекстандын чек арасында тыгылып калды. Бул тууралуу депутат Миргүл Темирбаева парламент жыйынында билдирди.

Ал учурда Өзбекстанга көмүрдү автотранспорт ташып келүүгө тыюу салынганын белгиледи.  Көмүрдү бир гана вагондор менен ташууга мүмкүн.

“Чек арада көмүр менен турап калган айдоочулардын баары үй-бүлөсүн багып келе жаткан Лейлек районунун тургундары. Учурда Сүлүктү шахталарында эки миңге жакын адам иш менен камсыз болгон. Ушундай маанайда улана берсе, анда көмүр казып алуу азайып, жумушчулардын саны кыскарат. Лейлек районунда эл Сүлүктү шахтасы менен жан багат. Райондо башка завод, фабрикалар жок”, - деди ал.

Депутат кенчилердин кайрылуусун эске алууну суранды.