Өзбекстан коронавируспандемиясынабайланыштуу 13-июлдан  1-августка чейин жаңы чектөөлөрдү киргизди.Ага ылайык, дем алыш күндөрү транспорттук каражаттардын, анын ичинде таксилердин жүрүшүнө тыюу салынды.Жашы 65тен жогору кишилер обочолонуусу зарыл.

Коронавирус менен күрөшүү боюнча республикалык комиссия 13-июлдан тартып ички аба жана темир жол каттамдары токтой турганын билдирди. Поезд үчүн алдын ала билет сатып алгандардын акчасы кайтарылат, авиабилеттерди болсо кийин, жыл ичинде колдонсо болот.

Өлкө боюнча бүгүн, 13-июлдан тартып чач тарачтар жана сулуулук салондору жабылары күтүлүүдө.

Белгилей кетсек, Өзбекстанда коронавирус инфекциясын жуктуруп алгандардын саны 12 400дөн ашты, 56 киши көз жумду, 7 500дөн көп адам айыкты.