Өлкөдөгү калктын санын каттоо боюнча 25 миңге жакын адам иш алып барат. Бул тууралуу Улуттук статистикалык комитеттин төрагасы Акылбек Султанов президент менен болгон жолугушуусунда билдирди.

Жалпысынан Кыргызстандын аймагында 500дөн ашуун каттоо бөлүмдөрү жана 4 миңге жакын инструктордук участкалар ачылат.

Президент калк жөнүндө маалыматтарды жыйноо жана алынган маалыматтарды иштеп чыгууну сапаттуу жүргүзүү зарылдыгын баса белгиледи. Калкты каттоо өлкөнүн жарандарынын социалдык-экономикалык чыныгы абалын көрүүгө, ар кандай багыттарда мамлекеттик саясатты ишке ашырууда баа берип, кемчиликтерди аныктоо мүмкүнчүлүгүн берерин белгиледи.