Президент Садыр Жапаров “Кабар” маалымат агенттигине берген маегинде ички инвесторлорду колдой турганын билдирди. 

Анын айтымында, кыргызстандык бай жарандар ири инвестор болгулары келбейт. 

“Баары акчаларын чет өлкөдөгү банктарда кармашат. Ошол акчаларын коркпой алып келип, өлкөбүзгө иштетиши үчүн акчалары менен мүлктөрүн легалдаштыруу мыйзамын кабыл алып бергенбиз. Бул мыйзам 1-июлга чейин иштейт. Легалдаштырып алышса, анан акчаларын коркпостон алып келип, ири долбоорлорду башташат деп ойлойм”, - деди ал. 

Ошондой эле, ал ишкерлер экономиканын кыймылдаткыч күчү экенин, бул жолкусунда жарлыктын аткарылышын катуу көзөмөлдөй турганын билдирди. 

“Мурдагыдай текшерүүчү органдар бирөөнүн үстүнөн арыз уюштура калып текшерүүгө жетип баргандар болсо, дыкат териштирип, күнөөлүүлөрдү жазалайбыз”, - деди президент.