2-апрелге карата 499 миң 918 салык төлөөчү бирдиктүү салык декларациясын тапшырды. Бул тууралуу тиешелүү мекемеден билдиришти. 

Тапшыргандардын ичинен 57 миң 270 юридикалык жактар, 112 миң 63 жеке ишкерлер, 264 миң 808 жеке жактар, ошондой эле 65 миң 777 мамлекеттик жана муниципалдык кызматкерлерлер болуп саналат. 

Салык кызматы салык төлөөчүлөрдү салык декларациясын кийинкиге калтырбастан мөөнөтүнөн мурда тапшырууга чакырат.

Эскерте кетсек, 1-майга чейин жеке жактар жана жеке ишкерлер салык декларациясын тапшырышы керек.

Толук маалыматты жергиликтүү салык органдарынан, ошондой эле 116 номеринен же www.sti.gov.kg сайтынан алууга болот.