Айыл чарба министрлиги айыл чарба өндүрүүчүлөрүн кызматташууга чакырат. Бул тууралуу мекеменин басма сөз кызматы билдирди.

Белгилүү болгондой, жыл аягына чейин Бишкектин борборунда ар жума сайын айыл чарба жарманкеси өткөрүлөт. Жарманке Киев менен Токтогулдун ортосундагы Раззаков көчөсүндө дем алыш күндөрү саат 9:00дөн 16:00гө чейин өтөт.

"Жарандар айыл чарба жана тамак-аш азыктарын (жумуртка, эт, сүт, жашылча ж.б.) өндүрүүчүнүн баасында, ортомчуларсыз сатып ала алышат", - деп айтылат Айыл чарба министрлигинин маалыматында.

Жарманкеде өз продукциясын сатууну каалаган айыл чарба өндүрүшчүлөрү 0707-70-27-03, 0771-94-94-99 телефондоруна кайрылса болот.