Бишкек шаарынын мэри Азиз Суракматов шаардын транспорт башкармалыгынын ишине, тургундар тарабынан тынымсыз арыз түшүп жаткандыктан нааразычылыгын билдирди. Мэр аталган башкармалыктын  иш жүргүзүү методдорун кайрадан карап чыгууну тапшырды.  Бул тууралуу мэриянын басма сөз кызматы билдирди. 

Андан сырткары, Суракматов Бишкектеги социалдык реформаларды жүргүзүүдөгү орчундуу маселелерге токтолду. 

«Вице-мэр Мирлан Амантуровго шаар тургундарын газга өткөрүү тапшырмасы берилди. Андан сырткары, шаардык тейлөө кызматкерлердин ишин жакшыртуу үчүн  заманбап технологияларга, аны менен бирге «Тазалыктын» ишине дагы өзгөчө көңүл бурууга чакырды», — деп жазылат маалыматта.