Жалал-Абад облусунун Токтогул районунда аз камсыз болгон үй-бүлөлөрдүн 62 өкүлү бал аарычылык боюнча окуудан өттү. Бул тууралуу Эмгек, социалдык камсыздоо жана миграция министрлиги билдирди. 

Маалыматка ылайык, Кыргызстанда бал аарычылык жигердүү өнүгүп, экспорттолууда. Бирок, алгач үй-бүлөлөрдүн бул тармак боюнча маалыматы жана билими жетишсиз болгондуктан, “Социалдык келишим” программасынын катышуучулары үчүн бул тармак аксап калууда. 

"Бүгүнкү күнгө чейин мамлекет менен келишим түзгөн 12,8 миң үй-бүлөнүн 144ү гана бал челек ачкан. Бул учурда, социалдык контракттын жүрүп жаткан ишин талдоо аарычылык жогорку киреше алып келерин көрсөттү", - деп айтылат маалыматта.