Улуу Британиянын Бизнес жана соода департаменти ушул жылдын 17-21-апрелинде “UK Fintech Week” жумалыгын өткөрөт. Бул тууралуу Кыргызстандын банктар бирикмеси билдирди. 

“Innovate Finance Global Summit- 2023” каржы кызматтарынын жана “FinTech” экосистемасынын мыкты өкүлдөрүн учурдагы жана жакынкы жылдарда бул тармактагы орчундуу маселелерди талкуулоого чакырат. Делегаттар үчүн билеттин баасы салыктарды эске албаганда атайын £350 ( негизги баасы £1650) турат. 

“UK FinTech” жумалыгы “Innovate Finance” менен биргеликте, Улуу Британиянын мамлекеттик департаменттери жана Лондон шаары менен өнөктөштүктө өткөрүлөт.

Иш-чара эки негизги блоктон турат: 

• Инновациялык финансы глобалдык саммити (IFGS) 17-18-апрелде болот.
• Улуу Британиянын өкмөттүк иш-чаралары 19-21-апрелде өтөт.