Былтыркы жылдын аягына карата Кыргызстанда акча массасы 44,9%га же 70,5 млрд сомго көбөйүп, 227,4 млрд сомго жеткен. Бул тууралуу жөнгө салуучу орган билдирди.

Бул өсүш негизинен Улуттук банктын баалуу металлдар рыногундагы операцияларынын эсебинен камсыздалып, 83 миллиард сом киреше алып келген.

Чет өлкө валютасындагы депозиттерди кошкондо, кеңири акча массасы да 30,6%га өсүп, 443,7 млрд сом болду.

“Көбөйүү негизинен депозиттердин 24,4%га, анын ичинде улуттук валютада – 23,9%га жана чет өлкө валютасында – 25%га өсүш менен шартталган”,-деп түшүндүрөт Улуттук банк.

Банктардан тышкаркы акчалардын көлөмү да 41,3%га өскөн. 2022-жылы улуттук валютадагы кеңири акча массасы 32,5%га өсүп, 335,5 млрд сомго жеткен.