Быйылкы жылы бюджеттин кирешеси 386 миллиард сомду түзөрү күтүлүүдө. Бул тууралуу Экономика министрлиги билдирди.

Анын ичинен Салык кызматы 183,5 млрд сом чогултса, Бажы кызматы 107 млрд сомду белгиленген пландан ашыкча чогулткан.

"Ошол эле учурда бажы өлкө тарыхында биринчи жолу 100 миллиард сомдук жыйымдардан ашты. Бюджеттин киреше бөлүгүн көбөйтүү жана көмүскө экономиканын үлүшүн азайтуу максатында ЭСФ, ЭТТН жана ККМ боюнча учурдагы фискалдык саясат улантылат", - деп айтылат маалыматта.