Баткен облусунун Лейлек районундагы "Максат" каналынын курулушунун биринчи этабы дээрлик аяктады. Ага 2020-жылы 100 миллион сом бөлүнгөн, деп жазылды Айыл чарба министрлигинин Facebook баракчасында.

[жаңылыктар 33987]

Каналдын курулушу төрт этапты камтыйт, жалпысынан 1,9 миллиард сом сарпталышы керек. Эгерде каржылоо өз убагында болсо, курулуш төрт жылда бүтөт. Ошондо 1,8 миң гектар жаңы сугат жер өздөштүрүлүп, 7,5 миң гектар жер суу менен камсыз болот.

Май айынын аягына чейин каналдын курулушунун биринчи этабы бүтөрү күтүлүүдө.