Кыргызстан шекердин, өсүмдүк майынын жана мал жандыктарын импортуна кошумча нарк салыктын ставкасын убактылуу нөлгө түшүргүсү келет. Мыйзам долбоору буга чейин коомдук талкууга коюлуп, өкмөттүн сайтына жарыяланган.

КНСтин нөлдүк ставкасын 2021-жылдын 1-июнунан 31-декабрына чейин белгилөө сунушталууда.

Мыйзам долбоорунун авторлорунун айтымында, мындай чара азык-түлүк рыногундагы бааларды турукташтырууга жана республикага шекер, өсүмдүк майын жана мал чарбасын импорттогон ишкерлерге колдоо көрсөтүүгө жардам берет.

Бийлик бул иш-чара өлкө бюджетинен кошумча каржылоону талап кылбайт деп ишендирүүдө.