Борбор Азиянын Жергиликтүү өз алдынча башкаруу академиясынын тренерлери Нарын шаарында жана Нарын облусунун бардык аймактарында окуу семинарларын өткөрүштү. Иш-чаранын максаты - райондорду жана айыл аймактарды социалдык-экономикалык өнүктүрүү программаларын иштеп чыгуу. Окуу Экономика министрлиги тарабынан бекитилген “Жергиликтүү өз алдынча башкаруу органдары үчүн усулдук колдонмонун” негизинде өткөрүлдү. Бул тууралуу Экономика министрлигинин басма сөз кызматы билдирди.

Семинарлар Нарын облусунун бардык айыл бөлүмдөрүнүн жана райондук бөлүмдөрүнүн кызматкерлерин, ошондой эле министрликтин облустар аралык башкармалыгынын Нарын облустук бөлүмүнүн кызматкерлерин камтыды. Семинардын катышуучулары тренерлердин жетекчилиги астында учурдагы өнүгүү программаларын талдап чыгышты жана аларды жакшыртуу боюнча кошумча сунуштарды алышты.

Академия Нарын облустук филиалынын кызматкерлерине программаларды даярдоого көмөк көрсөткөндүгү үчүн ыраазычылык билдирди. Семинардын аягында бардык катышуучуларга сертификаттар тапшырылды.