Оштогу көчөлөрдүн он бир кесилишинде "Акылдуу шаар" долбоорунун "Коопсуз шаар" компонентинин экинчи этабын ишке ашыруунун алкагында камераларды Жол кыймылынын эрежелерин бузууларды фото жана видео жаздыруу менен жабдуу боюнча курулуш-монтаждоо иштери жүргүзүлдү. Бул тууралуу Санариптик өнүктүрүү министрлигинин басма сөз кызматы билдирди.

Долбоорго ылайык, шаардын 35 негизги кесилишине 600дөн ашык аппараттык-программалык комплекстерди орнотуу пландалууда.

Ошто борбордук серверди түшүрүү үчүн маалыматты алгачкы иштетүү менен алектенген көмөкчү мониторинг борборун ачуу пландалууда. Башкы мониторинг борбору Бишкекте жайгашкан, анда аппараттык-программалык комплекстерден маалыматтар кабыл алынат. Видеолор ай сайын жаңыртылып турат.