2022-жылдын январында мурунку айга салыштырмалуу ЕАЭБге мүчө мамлекеттердин бардыгында керектөө бааларынын жана тарифтердин жогорулашы белгиленди. Бул тууралуу Улуттук статистика комитетинен билдиришти.
2022-жылдын январында 2021-жылдын январына салыштырмалуу экономиканын керектөө секторундагы инфляциянын эң жогорку деңгээли (11,2 пайыз) Кыргызстанда катталды.
ЕЭАБге мүчө мамлекеттердин керектөө секторундагы инфляциянын деңгээли
(пайыз менен, өсүүсү +, төмөндөшү -)
| Январь | Январь | Январдагы өсүүнүн орточо айлык темптери (төмөндөшү) | |||
2021 | 2022 | 2021 | 2022 | 2021 | 2022 | |
Армения | 2,2 | 1,6 | 4,5 | 7,1 | 2,2 | 1,6 |
Беларусь | 1,1 | 1,5 | 7,7 | 10,4 | 1,1 | 1,5 |
Казакстан | 0,6 | 0,7 | 7,4 | 8,5 | 0,6 | 0,7 |
Кыргызстан | 1,0 | 1,0 | 10,1 | 11,2 | 1,0 | 1,0 |
Россия | 0,7 | 1,0 | 5,2 | 8,7 | 0,7 | 1,0 |
Ошентип, үстүбүздөгү жылдын январында 2021-жылдын январына салыштырмалуу Кыргызстанда азык-түлүк товарларынын (алкоголдук ичимдиктерди жана тамекилерди эсепке алуу менен) баалары жана тарифтери – 12,8 пайызга жана азык-түлүк эмес товарлардын баалары жана тарифтери 9,7 пайызга көп өлчөмдө жогорулады. Ошол эле мезгилде Беларусияда кызмат көрсөтүүлөрдүн бааларынын максималдуу өсүүсү (9,1 пайыз) катталды.
Материалды башка сайтка көчүрүү, “редакциянын уруксаты жана маалымат “булагынын” гипершилтемесине таянуу менен жасалууга тийиш
