Быйылкы жылдын үч айында Кыргызстандан жалпы суммасы 2 млрд 550 млн 927,2 миң сомго 792 миң 22 тонна көмүр экспорттолду. Мындай маалыматтар Улуттук статистикалык комитеттин сайтында берилген.

Анын ичинен 434 миң 579 тоннасы 1 млрд 524 млн 378,5 сому таш көмүр, 357 миң 443 тоннасы 1 млрд 26 млн 548,7 сому күрөң көмүр. 

Көмүрдүн басымдуу бөлүгү Өзбекстанга (1 млрд 803 млн 863 миң сомго), Румынияга (337 млн ​​199,7 миң сомго) жана Голландияга (188 млн 207,9 миң сомго) жеткирилген.

Улуттук статистикалык комитеттин маалыматы боюнча, быйылкы жылдын биринчи чейрегинде Румыния, Казакстан, Кытай, Польша, Словакия жана Түркияга көмүр азыраак экспорттолгон.