Жалал-Абаддагы "Көк-Арт" чакан ГЭСинин курулушу 70 пайызга аяктады. Бул тууралуу Министрлер кабинетинин басма сөз кызматынан билдиришти.

Маалыматка ылайык, кубаттуулугу 6 мегаваттан ашык гидроэлектрстанциянын башкы курулмасы, суу жеткире турган 2 миң 600 метрди түзгөн каналы салынып бүттү. Алдыда ГЭСтин имаратын куруу, техникалык чогултуу жана линия тартуу жумуштары аткарылат.

Курулушу былтыр башталган Сузак районундагы долбоорго жалпы 620 миллион сом жумшалууда.