Кыргызстанда жеке медициналык мекемелерде томографиялык текшерүүлөрдүн баасы төмөндөтүлдү. УКМКдан билдиришкендей, мындай чечим менчик медициналык мекемелердин катышуусунда өткөн жыйында кабыл алынды.

Натыйжада, томографиялык изилдөөлөрдүн бардык түрүнүн баасын 20%га чейин түшүрүү макулдашылды.

Алар: "Юнит-Реактив Фарма", "Медипол", "Томэкс", "Шаншуй Силк Роуд Кейджи", "Альфа МЕД-ЛТД", "Берди", "Медипарк", "Гульмед", "Систем Озел Тыбби Йатырымлар ве Тиджарет", "Юрфа", "Авиценна", "Меди" жана "Веданта" менчик медициналык мекемелер. Ал эми "Кортекс Неврологиялык борбору" бааны 30% чейин төмөндөтүүгө макул болду.

Эске салсак, буга чейин медициналык лабораториялар баасын 15 пайыздан 30 пайызга чейин арзандатканы кабарланган.