Токтогул суу сактагычында  17.2 млрд кубметр ашыкча суу бар. Бул көлөм менен кышкы убакытта үзгүлтүксүз электр энергия менен камсыз кылса болот. Бул тууралуу Жогорку Кеңештин жыйынында биринчи вице-премьер-министр Кубатбек Боронов билдирди. 

Анын айтымында, энергетика кышкы мезгилге даяр. Республикалык штаб күзгү-кышкыга болгон даярдыкты ушул жылдын апрель айынан баштаган. 

«Жалпы жонунан 1 млрд 141 миң тонна көмүр керектелүүдө. Учурда 430 миң тонна көмүр даяр, андан сырткары калган керектелүүчү көмүр боюнча жергиликтүү жана чет элдик өндүрүүчүлөр менен сүйлөшүүлөр жүргүзүлгөн. Бишкек ЖЭБде 136 миң тонна  ашыкча көмүр бар. Ишкана 360 мВт кубаттуулугу менен электрэнергия чыгарууга даяр», —  деп айтты Кубатбек Боронов.